33 റെയില്‍വേ ലെവല്‍ ക്രോസുകളില്‍ മേല്‍പ്പാലങ്ങള്‍ പണിയുന്നതിന് അനുമതി – ജി സുധാകരന്‍
തിരുവനന്തപുരം : സംസ്ഥാനത്തെ 33 റെയില്‍വേ ലെവല്‍ ക്രോസുകളില്‍ മേല്‍പ്പാലങ്ങള്‍ പണിയുന്നതിന് 2018-19 ലെ റെയില്‍വേ വര്‍ക്ക് പ്രോഗ്രാമില്‍ ഉള്‍പ്പെടുത്തി അനുമതി ലഭിച്ചതായി മന്ത്രി ജി സുധാകരന്‍.
2017 സെപ്തംബര്‍ 2 ന് പൊതുമരാമത്ത് വകുപ്പ് നല്‍കിയ നിര്‍ദ്ദേശം റെയില്‍വേ അംഗീകരിക്കുകയായിരുന്നു. കാസര്‍കോട്, കണ്ണൂര്‍, കോഴിക്കോട്, മലപ്പുറം, പാലക്കാട്, തൃശൂര്‍, എറണാകുളം, കോട്ടയം, ആലപ്പുഴ, കൊല്ലം, തിരുവനന്തപുരം ജില്ലകളിലാണ് പ്രസ്തുത മേല്‍പ്പാലങ്ങള്‍.
ഏഴിമല സ്റ്റേഷന്‍, എറണാകുളം – മട്ടാഞ്ചേരി സ്റ്റേഷനുകള്‍ക്കിടയില്‍, മാഹി – തലശ്ശേരി, തലശ്ശേരി – എട്ടക്കോട്ട്, മുളങ്കുന്നത്തുകാവ് – പൂങ്കുന്നം, കരുനാഗപ്പള്ളി – ശാസ്താംകോട്ട, ഒല്ലൂര്‍ – പുതുക്കാട്, ഷൊര്‍ണ്ണൂര്‍ ജംഗ്ഷന്‍ – വാടാനാംകുറിശ്ശി, ചേപ്പാട് – കായംകുളം, പട്ടാമ്ബി – പള്ളിപ്പുറം, പെരിനാട് – കൊല്ലം, പറളി – മങ്കര, എട്ടക്കോട്ട് – കണ്ണൂര്‍, കോഴിക്കോട് – വെസ്റ്റ്ഹില്‍, നിലമ്ബൂര്‍ യാര്‍ഡ്, ഷൊര്‍ണ്ണൂര്‍ – വള്ളത്തോള്‍ നഗര്‍, താനൂര്‍ – പരപ്പനങ്ങാടി, ഷൊര്‍ണ്ണൂര്‍ – അങ്ങാടിപ്പുറം, അങ്ങാടിപ്പുറം – വാണിയമ്ബലം, വൈക്കംറോഡ് – കുറുപ്പന്തറ, കുറുപ്പന്തറ – ഏറ്റുമാനൂര്‍, കണ്ണൂര്‍ – വളപട്ടണം, പാപ്പിനിശ്ശേരി – കണ്ണപുരം, കണ്ണപുരം – പയങ്ങാടി, ഉപ്പള- മഞ്ചേശ്വരം, കായംകുളം – ഓച്ചിറ, അമ്ബലപ്പുഴ – ഹരിപ്പാട്, കൊല്ലം – മയ്യനാട്, കടയ്ക്കാവൂര്‍ – മൂരുഗമ്ബുഴ സ്റ്റേഷനുകള്‍ക്കിടയില്‍ ഓരോ മേല്‍പ്പാലവും, പുതുക്കാട് – ഇരിങ്ങാലക്കുട, പയ്യന്നൂര്‍ – തൃക്കരിപ്പൂര്‍ സ്റ്റേഷനുകള്‍ക്കിടയില്‍ രണ്ടു വീതം മേല്‍പ്പാലങ്ങളുമാണ് 2018-19 ലെ ബജറ്റ് പ്ലാനില്‍ ഉള്‍പ്പെടുത്തിയതെന്ന് മന്ത്രി അറിയിച്ചു.
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്