കാര്‍ഷിക മേഖലയ്ക്ക് ഊന്നല്‍ നല്‍കി ധനമന്ത്രി അരുണ്‍ ജയ്റ്റ്ലി

ന്യൂഡല്‍ഹി: നരേന്ദ്ര മോദി സര്‍ക്കാരിന്റെ അവസാന സന്പൂര്‍ണ ബഡ്ജറ്റില്‍ കാര്‍ഷിക മേഖലയ്ക്ക് ഊന്നല്‍ നല്‍കി ധനമന്ത്രി അരുണ്‍ ജയ്റ്റ്ലി. ഇതോടൊപ്പം അടിസ്ഥാന സൗകര്യ വികസനത്തിനും ആരോഗ്യ മേഖലയ്ക്കും മന്ത്രി ഊന്നല്‍ നല്‍കി. 11 ലക്ഷം കോടിയാണ് ജയ്റ്റ്ലി കാര്‍ഷിക മേഖലയ്ക്കായി മാറ്റിവച്ചത്.

പ്രഖ്യാപനങ്ങള്‍:

*ഇ.പി.എഫിലെ വനിതകളുടെ സംഭാവന 12ല്‍ നിന്ന് എട്ട് ശതമാനമായി കുറച്ചു
*പുതിയ ജീവനക്കാര്‍ക്ക് അടുത്ത മൂന്ന് വര്‍ഷത്തേക്ക് ഇ.പി.എഫില്‍ 12 ശതമാനം സര്‍ക്കാര്‍ നിക്ഷേപിക്കും
*പട്ടികജാതി ക്ഷേമത്തിന് 56,​619കോടിയും പട്ടികവര്‍ഗത്തിന് 39,​135 കോടിയും നീക്കിവച്ചു
*പ്രധാനമന്ത്രി മുദ്ര യോജനയുടെ കീഴില്‍ മൂന്ന് ലക്ഷം കോടിയുടെ വായ്പ
*ഭാരത്മാല പദ്ധതിക്ക് കീഴില്‍ 9000 കിലോമീറ്റര്‍ ദേശീയപാത നിര്‍മിക്കും
*99 സ്മാര്‍ട്ട് സിറ്റികള്‍ക്കായി 2.04 ലക്ഷം കോടി
*ജില്ലാ ആശുപത്രികളെ മെഡിക്കല്‍ കോളേജുകളായി ഉയര്‍ത്തും
*24 പുതിയ മെഡിക്കല്‍ കോളേജുകള്‍ സ്ഥാപിക്കും
*10 കോടി പാവപ്പെട്ട കുടുംബങ്ങള്‍ക്കായി ദേശീയ ആരോഗ്യ സംരക്ഷണ പദ്ധതി. ഇതിലൂടെ ഓരോ കുടുംബത്തിനും പ്രതിവര്‍ഷം അഞ്ച് ലക്ഷം രൂപ ചികിത്സാ ഇന്‍ഷ്വറന്‍സ് ലഭിക്കും
*കാര്‍ഷികമേഖലയ്ക്ക് ആകെ 11 ലക്ഷം കോടി
*കാര്‍ഷികോല്‍പന്നങ്ങളുടെ വില നിര്‍ണയിക്കാന്‍ വിവിധ മന്ത്രാലയങ്ങളെ ഒരുമിപ്പിച്ച്‌ സംവിധാനം
*പാവപ്പെട്ട എട്ട് കോടി സ്ത്രീകള്‍ക്ക് പാചകവാതക കണക്ഷന്‍ നല്‍കും
*രണ്ടു കോടി ശൗചാലയങ്ങള്‍ കൂടി നിര്‍മിക്കും
* ജൈവകൃഷിക്ക് 200 കോടി
*സംസ്ഥാനങ്ങളില്‍ 42 മെഗാ ഫുഡ് പാര്‍ക്ക് സ്ഥാപിക്കും
*മത്സ്യബന്ധന മേഖലയ്ക്കും മൃഗസംരക്ഷണ മേഖലയ്ക്കും 10,​000 കോടി
*ഗ്രാമങ്ങളിലെ ചെറുകര്‍ഷക വിപണന കേന്ദ്രങ്ങളെ അഗ്രിക്കള്‍ച്ചറല്‍ മാര്‍ക്കറ്റുകളാക്കും
*വിളകളുടെ താങ്ങുവില ഒന്നര മടങ്ങാക്കും
*ഭക്ഷ്യസംസ്കരണത്തിനുള്ള കേന്ദ്രവിഹിതം 1400 കോടിയാക്കി
*കര്‍ഷകരുടെ വരുമാനം ഇരട്ടിയാക്കും
*കാര്‍ഷികോല്‍പാദനം ഇരട്ടിയാക്കും
*പ്രകൃതിവിഭവങ്ങളുടെ വിതരണത്തില്‍ സുതാര്യത കൊണ്ടുവന്നു
*മുതിര്‍ന്ന പൗരന്മാരുടെ സുരക്ഷ ഉറപ്പുവരുത്തും
*അഴിമതി ഭരണത്തിന്റെ ഭാഗമായിരുന്നു. ഈ സര്‍ക്കാര്‍ അതില്ലാതാക്കി
*നോട്ട്നിരോധനം കറന്‍സി ഇടപാട് കുറച്ചു
*സാന്പത്തിക പരിഷ്കരണ നടപടികള്‍ ഫലം കണ്ടു
*വിദേശനിക്ഷേപം കൂടി
*അടുത്ത സാന്പത്തികവര്‍ഷം 7- 7.5 ശതമാനം വളര്‍ച്ച കൈവരിക്കും
*ഇന്ത്യന്‍ സന്പദ്വ്യവസ്ഥ അതിവേഗം വളരുന്നു