എനിക്ക് വേണ്ടി പ്രതികരിക്കാനോ എന്നെ പ്രതിരോധിക്കുവാവോ ആരെയും ചുമതലപ്പെടുത്തിയിട്ടില്ലെന്ന് മമ്മൂട്ടി

തിരുവനന്തപുരം: കസബ എന്ന സിനിമയിലെ സ്ത്രീവിരുദ്ധത തുറന്ന് പറഞ്ഞതിന്റെ പേരില്‍ പാര്‍വതിയ്ക്കെതിരെ നടന്ന സൈബര്‍ ആക്രമണത്തില്‍ പ്രതികരണവുമായി നടന്‍ മമ്മൂട്ടി രംഗത്ത്. സംസ്ഥാനത്ത് കുറേ ദിവസങ്ങളായി ചര്‍ച്ചാ വിഷയമായിരുന്ന വിഷയത്തില്‍ ഇതാദ്യമായാണ് മമ്മൂട്ടി പ്രതികരിക്കുന്നത്.

എനിക്ക് വേണ്ടി പ്രതികരിക്കാനോ എന്നെ പ്രതിരോധിക്കുവാവോ ആരെയും ചുമതലപ്പെടുത്തിയിട്ടില്ലെന്ന് മമ്മൂട്ടി ഒരു സ്വകാര്യ ചാനലിനോട് പറഞ്ഞു. ആവിഷ്ക്കാര സ്വാതന്ത്ര്യം പോലെ പ്രധാനമാണ് അഭിപ്രായ സ്വാതന്ത്ര്യവും. കസബയിലെ വിഷയത്തെക്കുറിച്ച്‌ വിമര്‍ശനമുണ്ടായ ദിവസം തന്നെ പാര്‍വതി ഇക്കാര്യം എന്നെ അറിയിച്ചിരുന്നു. ഇതൊന്നും സാരമാക്കേണ്ടതില്ലെന്ന് അന്നുതന്നെ ഞാന്‍ പാര്‍വതിയെ ആശ്വാസിപ്പിച്ചിരുന്നു. എന്നാല്‍ വിദേശയാത്രകളിലും മറ്റ് തിരക്കുകളിലും ആയത് കൊണ്ടാണ് ഇക്കാര്യത്തില്‍ പ്രതികരിക്കാതിരുന്നതെന്നും അദ്ദേഹം കൂട്ടിച്ചേര്‍ത്തു.