സാമ്പത്തിക സംവരണം പിൻവലിക്കുക: പ്രകടനവും പൊതുസമ്മേളനവും 

തൊടുപുഴ: ഭരണഘടനാ വിരുദ്ധമായ സാമ്പത്തിക സംവരണം ഗവൺമെന്റ് അടിയന്തിരമായി പിൻവലിക്കണം എന്നാവശ്യപ്പെട്ടുകൊണ്ട് ഇന്ന് (25/01/18)വൈകിട്ട് 4 മണിക്ക് തൊടുപുഴയിൽ വമ്പിച്ച പ്രതിഷേധ പ്രകടനവും പൊതു സമ്മേളനവും നടക്കും. സാമുദായിക സംവരണം അട്ടിമറിക്കാനുള്ള നീക്കത്തിനെതിരെ വിവിധ ദളിത് പ്രസ്ഥാനങ്ങളുടെ സംയുക്ത ആഭിമുഖ്യത്തിൽ നടത്തപ്പെടുന്ന പ്രതിഷേധ പരിപാടി സി.എസ്. ഡി.എസ് സംസ്ഥാന പ്രസിഡന്റ് ശ്രീ. കെ.കെ.സുരേഷ്  ഉദ്ഘാടനം ചെയ്യും. ദളിത് ഐക്യ സമിതി സംസ്ഥാന പ്രസിഡന്റ് ശ്രീ. കെ.കെ.ജിൻഷു അദ്ധ്യക്ഷത വഹിക്കുന്ന സമ്മേളനത്തിൽ പ്രമുഖ ചിന്തകൻ ശ്രീ.കെ.എം.സലിം കുമാർ മുഖ്യ പ്രഭാഷണം നടത്തും. ഐ. ഡി.എഫ് സംസ്ഥാന പ്രസിഡന്റ് ശ്രീ.പി.ഡി.അനിൽ കുമാർ, മാനുഷ മിശ്ര വിവാഹ സംഘം അദ്ധ്യക്ഷൻ ശ്രീ. ശശികുമാർ കിഴക്കേടം, കെ.പി.എം.എസ് ജില്ലാ പ്രസിഡന്റ് ഒ.കെ.ബിജു, കേരള ചേരമർ സംഘം ജില്ല പ്രസിഡന്റ് ശ്രീ.രാജൻ മക്കുപാറ, സി.എസ്.ഡി.എസ് താലൂക്ക് പ്രസിഡന്റ് ശ്രീ. മനോജ് ആന്റണി, ദളിത് ഐക്യ സമിതി സംസ്ഥാന ട്രഷറർ ശ്രീ.പി.ഐ ജോണി തുടങ്ങിയ നേതാക്കൾ സംസാരിക്കും.