വിധവയെ കല്യാണം കഴിക്കുന്ന രാകേഷ് ഭാര്യമാരെ ലഭിക്കാത്ത യുവാക്കള്‍ക്ക് പ്രചോദനമാവട്ടെ, – കളക്ടറുടെ കുറിപ്പ് വൈറലാകുന്നു
വിവാഹത്തില്‍ പങ്കെടുത്ത അനുഭവം പങ്കുവെച്ചുകൊണ്ടുള്ള കാസര്‍കോട് കളക്ടര്‍ ഡോ. ഡി സജിത്ത് ബാബു ഐഎഎസിന്റെ ഫേയ്‌സ്ബുക്ക് പോസ്റ്റ് ശ്രദ്ധേയമാകുന്നു. കാസര്‍കോട് സ്വദേശിയായ രാകേഷ് എന്ന യുവാവിന്റെ വിവാഹത്തിനാണ് കളക്ടര്‍ പങ്കെടുത്തത്. വിധവയും ഏഴു വയസുകാരിയുടെ അമ്മയുമായ യുവതിയെയാണ് രാകേഷ് വിവാഹം കഴിച്ചത്. വാട്‌സാപ്പിലൂടെ വിവാഹക്ഷണക്കത്ത് ലഭിച്ചപ്പോള്‍ രാകേഷിനെ കാണണം എന്ന് തോന്നിയെന്നും അങ്ങനെ അദ്ദേഹത്തിന്റെ വീട് തേടിപ്പിടിച്ച്‌ വിവാഹത്തില്‍ പങ്കെടുക്കുകയായിരുന്നു എന്നുമാണ് കളക്ടര്‍ കുറിച്ചത്. ജില്ല നേരിടുന്ന ചില സാമുഹീക പ്രശ്‌നങ്ങള്‍ സമൂഹ ശ്രദ്ധയില്‍ കൊണ്ടുവരുന്നതിന് കൂടി ഉദ്ദേശിച്ചാണ് വിവാഹത്തില്‍ പങ്കെടുക്കാന്‍ തീരുമാനിച്ചതെന്നാണ് അദ്ദേഹം പറയുന്നത്. കാസര്‍ഗോഡ് ജില്ലയില്‍ ഭര്‍ത്താവ് ഉപേക്ഷിച്ചതോ ഭര്‍ത്താവ് മരിച്ചവരോ ആയ അരലക്ഷത്തോളം സ്ത്രീകളുണ്ട്. ഈ സ്ത്രീകള്‍ക് താങ്ങും തണലും ആകാന്‍ ജീവിത പങ്കാളിയാകാന്‍ മറ്റുള്ളവര്‍ രാകേഷ് പ്രചോദനമാകേണ്ടതാണെന്നും അദ്ദേഹം പറയുന്നു.
കള ക്ടറുടെ ഫേയ്‌സ്ബുക്ക് പോസ്റ്റ് വായിക്കാം
എന്നും പതിവുപോലെ രാവിലെ അഞ്ചുമണിക്ക് എഴുന്നേറ്റ് ഫയല്‍ നോക്കുന്ന നേരത്താണ് വാട്‌സ്‌ആപ്പ് സന്ദേശങ്ങളിലൊന്ന് പ്രത്യേകം ശ്രദ്ധിച്ചത്, നമ്ബര്‍ സേവ് ചെയ്യാത്ത ഒരു നമ്ബറില്‍ നിന്നാണ് മെസ്സേജ് വന്നത്, സാര്‍ ഇന്ന് എന്റെ വിവാഹമാണ് സാര്‍ വന്നിരുന്നെങ്കില്‍ എനിക്കും കുടുംബത്തിനും ഒരു സന്തോഷമായിരിക്കും. ഞാന്‍ വിവാഹം കഴിക്കുന്നത് ഭര്‍ത്താവ് മരിച്ച 7 വയസ് ഉള്ള പെണ്കുട്ടിയുള്ള യുവതിയെ ആണ്. ഇത്രയും വായിച്ചപ്പോള്‍ എനിക്കു അദ്ദേഹത്തെ കാണണമെന്ന് എന്റെ മനസ്സ് എന്നോട് പറഞ്ഞു. രാകേഷിന്റെ വാക്കുകള്‍ കൊള്ളിയാന്‍ പോലെ എന്റെ ഹൃദയത്തില്‍ കൊണ്ടു. ഉടന്‍ തീരുമാനിച്ചു വിവാഹത്തില്‍ തീര്‍ച്ചയായും പങ്കെടുക്കണം, ചന്ദേര പടിഞ്ഞാറേക്കരയില്‍ രാകേഷിന്റെ വീട് തേടിപ്പിടിച്ചു വിവാഹത്തില്‍ പങ്കെടുത്തത് നമ്മുടെ ജില്ല നേരിടുന്ന ചില സാമുഹീക പ്രശ്‌നങ്ങള്‍ സമൂഹ ശ്രദ്ധയില്‍ കൊണ്ടുവരുന്നതിന് കൂടി ഉദ്ദേശിച്ചാണ് വിവാഹത്തില്‍ പങ്കെടുക്കാന്‍ തീരുമാനിച്ചത്.
രാകേഷ് കൊട്ടും കുരവയുമായി കൂട്ടുകാരെയും നാട്ടുകാരെയും കൂടെക്കൂട്ടി ഭാര്യയെ കൈ പിടിച്ചു വീട്ടിലേക്ക് കൊണ്ടുവരുന്നതിനു സാക്ഷിയായപ്പോള്‍ ഏറെ ചാരിതാര്‍ത്ഥ്യം തോന്നി. രാകേഷ് ഒരു പ്രചോദനം ആണെന്ന് തോന്നി അതുകൊണ്ടാണ് ഇങ്ങനെ കുറിക്കുന്നത് (with permission of Mr. Rakesh) രാകേഷ് കൈ പിടിച്ചപ്പോള്‍ രണ്ടുപേരുടെ ജീവിതമാണ് പൂവണിഞ്ഞത്. ഭര്‍ത്താവ് മരിച്ചതോടെ ജീവിതം തകര്‍ന്നു എന്നു കരുതിയ യുവതിയുടെയും 7 വയസ്സുള്ള കുഞ്ഞിന്റെയും. കാസര്‍ഗോഡ് ജില്ലയില്‍ ഭര്‍ത്താവ് ഉപേക്ഷിച്ചതോ ഭര്‍ത്താവ് മരിച്ചവരോ ആയ അരലക്ഷത്തോളം സ്ത്രീകളുണ്ട്. ആകെ 46488 സ്ത്രീകള്‍ ഇതില്‍ കൂടുതല്‍ കാസര്‍ഗോഡ് നഗരസഭാ പരിധിയിലാണ് 6553 സ്ത്രീകള്‍, കുറവ് മീഞ്ച പഞ്ചായത്തിലാണ് 73 സ്ത്രീകള്‍ വിധവകളും വിവാഹമോചിതരും സമൂഹത്തില്‍നിന്ന് ഉള്‍വലിയുന്നതാണ് സമൂഹത്തിലെ പതിവുകാഴ്ച. ആരോരുമില്ലാത്ത ഈ സ്ത്രീകള്‍ക് താങ്ങും തണലും ആകാന്‍ ജീവിത പങ്കാളിയാകാന്‍ രാകേഷിന്റെ മാതൃക പിന്തുടര്‍ന്ന് മറ്റുള്ളവരും തയ്യാറാകുമോ, പ്രത്യേകിച്ച്‌ വിവാഹപ്രായം കഴിഞ്ഞിട്ടും പെണ്‍കുട്ടികളെ ലഭിക്കാത്ത പുരുഷന്മാര്‍ക്ക് രാകേഷ് പ്രചോദനമാകേണ്ടതാണ്. രാകേഷ് ഒരു ഓട്ടോ ഡ്രൈവറാണ് തന്റെ ജോലി കൊണ്ട് ഈ കുടുംബത്തെ പോറ്റാന്‍ കഴിയുമെന്ന ഉറച്ച വിശ്വാസം ഉള്ള യുവാവ്. യാദൃശ്ചികമായി ആണെങ്കിലും ഈ കല്യാണത്തില്‍ പങ്കെടുത്തപ്പോള്‍ അത് സമൂഹത്തെ അറിയിക്കണം എന്ന് തോന്നി പലര്‍ക്കും രാകേഷ് ഒരു പ്രചോദനം ആവട്ടെ…
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്