സുരേഷ് കല്ലട കേരള സമൂഹത്തോട് മാപ്പ് പറയുക- ജനാധിപത്യ കേരള യൂത്ത് ഫ്രണ്ട്

അമിത ചാര്‍ജ്ജ് യാത്രക്കാരില്‍ നിന്ന് ഈടാക്കി മറ്റ് സംസ്ഥാനങ്ങളിലോട്ട് ബസ് സര്‍വ്വീസ് നടത്തിയിട്ടും യാത്രക്കാര്‍ക്ക് വേണ്ട സുരക്ഷ ഉറപ്പ് വരുത്തേണ്ട ബസ് ഉടമകള്‍ ഒരു ദാക്ഷിണ്യവും കൂടാതെ യാത്രക്കാര്‍ക്ക് ദുരിതം സമ്മാനിക്കുന്ന സമീപനം അപലപനീയം ആണ്. ഉപഭോക്തക്കളുടെ ന്യായമായ അവകാശം കിട്ടാത്ത പക്ഷം പ്രതികരിച്ച യുവാക്കളെ ഗുണ്ടകളെ ഉപയോഗിച്ച് ജീവന് തന്നെ ഭീഷണി ആകുന്ന തരത്തില്‍ മര്‍ദ്ദിച്ച സാഹചര്യം കേരളത്തിലെ മൊത്തത്തിലുള്ള ബസ് ഉടമകള്‍ക്ക് തന്നെ അപമാനമാണ്. ഇതിന് സാഹചര്യം സൃഷ്ടിച്ച ഗുണ്ടകളെയും ബസ് തൊഴിലാളികളെയും അറസ്റ്റ് ചെയ്യണമെന്നും ബസ് പെര്‍മിറ്റ് റദ്ദാക്കണമെന്നും അതിനോടൊപ്പം തന്നെ യാത്രാക്ലേശം അനുഭവിച്ച എല്ലാ യാത്രക്കാരോടും കേരള സമൂഹത്തോടും സുരേഷ് കല്ലട മാപ്പ് പറയണമെന്നും ജനാധിപത്യ കേരള യൂത്ത് ഫ്രണ്ട സംസ്ഥാന പ്രസിഡന്റ് അഡ്വക്കേറ്റ് മ മൈക്കിള്‍ ജെയിംസ്, സംസ്ഥാന വൈസ് പ്രസിഡന്റ് അഡ്വ. മിഥുന്‍ സാഗര്‍ എന്നിവര്‍ സംയുക്ത പ്രസ്താവനയില്‍ ശക്തമായി ആവശ്യപ്പെട്ടു