കൂട്ടുകാരനെ വിവാഹം കഴിക്കാന്‍ 8 ലക്ഷം രൂപ മുടക്കി ലിംഗമാറ്റം നടത്തി ; നാല് മാസം കഴിഞ്ഞപ്പോള്‍ കൂട്ടുകാരന്‍ സ്ഥലം വിട്ടു
ലക്നൗ : കൂട്ടുകാരനെ വിവാഹം കഴിക്കാൻ ലിംഗമാറ്റ ശസ്ത്രക്രിയ നടത്തി സ്ത്രീയായതിനു പിന്നാലെ താൻ കബളിപ്പിക്കപ്പെട്ടതായി യുവതിയുടെ പരാതി .
ഉത്തര്‍പ്രദേശിലെ കൗശാംബി ജില്ലയിലെ ദുല്‍ഹനിയപൂര്‍ ഗ്രാമത്തിലാണ് സംഭവം . അടുത്ത കൂട്ടുകാരനെ വിവാഹം കഴിക്കാനാണ് ദുല്‍ഹനിയപൂര്‍ ഗ്രാമത്തില്‍ താമസിക്കുന്ന രാഹുല്‍ കുമാര്‍ ലിംഗമാറ്റ ശസ്ത്രക്രിയ നടത്തിയത് .
2016 ലാണ് ഹിസാംപൂര്‍ ഗ്രാമത്തിലെ സന്തോഷ് എന്ന സതീഷിനെ രാഹുല്‍ പരിചയപ്പെട്ടത് . ഇരുവരുടെയും സൗഹൃദം പ്രണയത്തിലേക്ക് വഴിമാറി.
സതീഷിന്റെ നിര്‍ദേശപ്രകാരം ഏകദേശം 8 ലക്ഷം രൂപ ഉപയോഗിച്ച്‌ രാഹുല്‍ ലിംഗമാറ്റം നടത്തി പെണ്‍കുട്ടിയായി രാഗിണിയെന്ന് പേരും മാറ്റി .
ഇരുവരും ക്ഷേത്രത്തില്‍ വിവാഹിതരായി ഭാര്യാഭര്‍ത്താക്കന്മാരെപ്പോലെ ജീവിക്കാൻ തുടങ്ങി. ഏകദേശം 4 മാസത്തോളം താമസിച്ച ശേഷം പെട്ടെന്ന് സതീഷിനെ കാണാതായി . അന്വേഷണത്തില്‍ കുടുംബാംഗങ്ങള്‍ക്കൊപ്പം പോയതായി മനസിലായി .
സതീഷിനെ കാണാൻ സതീഷിന്റെ വീട്ടിലെത്തിയ രാഗിണിയ്‌ക്ക് മര്‍ദ്ദനമേറ്റു. രാഹുല്‍ പോലീസ് സ്റ്റേഷനില്‍ പരാതി നല്‍കുകയും തനിക്ക് നേരിട്ട ദുരനുഭവം വിവരിക്കുകയും ചെയ്തു, തുടര്‍ന്ന് പോലീസ് കേസെടുത്ത് കൂടുതല്‍ അന്വേഷണം ആരംഭിച്ചു. അതേസമയം സതീഷ് നാട് വിട്ടതായാണ് സൂചന .
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്