കേന്ദ്ര സർക്കാർ പുരകത്തുമ്പോൾ വാഴവെട്ടുന്ന നയം തിരുത്തണം. – കേരള പുലയൻ മഹാസഭ

എറണാകുളംഃ രാജ്യത്താകെ കോവിഡ്-19 സംഹാര താണ്ഡവമാടി ജനങ്ങളാകെ മരണത്തിന് മുന്നിൽ വിറങ്ങലിച്ചു നില്ക്കുമ്പോൾ ഭരണകൂടം ജനദ്രോഹ നടപടികൾ ശക്തിപ്പെടുത്തുന്നതായി കേരള പുലയൻ മഹാസഭ സംസ്ഥാന പ്രസിഡൻെറ് കെ. ടി. ശങ്കരനും, ജനറൽ സെക്രട്ടറി പി. പി. അനിൽകുമാറും സംയുക്ത പ്രസ്താവനയിൽ അറിയിച്ചു.

അവ്യക്തമായ പാക്കേജുകൾ പ്രഖൃാപിച്ച് പൊതു സമൂഹത്തെ ആശങ്കയിലാക്കുകമാത്രമല്ലാ പൊതു മേഘലയാകെ സ്വകാരൃവത്ക്കരിക്കുകയുമാണ്. പൊതു മേഘലകൾ സ്വകാര്യ വത്ക്കരിക്കുമ്പോൾ ആയിരകണക്കിന് പട്ടിക ജാതി വർഗ്ഗ ജനവിഭാഗങ്ങളുടെ തൊഴിലവസരങ്ങൾ നഷ്ടപ്പെടുകയാണ്. സ്വകാര്യ മേഘലയിൽ സംവരണമില്ലാത്തതാണ് ഈ അവസ്ഥയുണ്ടാവാൻ കാരണമാകുന്നത്. ലക്ഷകണക്കിന് മറ്റ് ജനവിഭാഗങ്ങളുടേയും തൊഴിലും നഷ്ടപ്പെടും.കൊറോണയിൽ നിന്ന് രക്ഷപ്പെടുവാൻ ജനങ്ങൾ വീടുകളിൽ കഴിയുകയുമാണ്.

ഇതിനിടയിലെ സർക്കാർ തീരുമാനങ്ങൾ പുരകത്തുമ്പോൾ വാഴവെട്ടുന്നതിന് തുല്യമാണെന്നും പട്ടിക ജാതി വിഭാഗങ്ങളുടെ ഭരണഘടനാപരമായ സംവരണമടക്കം അട്ടിമറിക്കുവാൻ നടത്തുന്ന നീക്കങ്ങളടക്കം പ്രതിഷേധാർഹവും ഇതിൽ നിന്നും കേന്ദ്ര സർക്കാർ പിൻമാറണമെന്നും നേതാക്കൾ അറിയിച്ചു.