മന്ത്രിമാരുടെ പേഴ്സണല്‍ സ്റ്റാഫിന്റെ പെന്‍ഷന്‍ തടയില്ല ; ഹരജി ഹൈകോടതി തള്ളി – ; നിയമനം സര്‍ക്കാരിന്റെ നയപരമായ കാര്യ

അതേസമയം, പേഴ്സണല്‍ സ്റ്റാഫിന്റെ എണ്ണത്തിന് പരിധി നിശ്ചയിക്കണമെന്ന് കോടതി നിര്‍ദേശിച്ചു.

പേഴ്സണല്‍ സ്റ്റാഫിന്റെ നിയമനത്തിന് മാനദണ്ഡം കൊണ്ടുവരണമെന്നും പൊതു വിഞ്ജാപനം വേണമെന്നും ആവശ്യപ്പെട്ടായിരുന്നു ഹരജി. പേഴ്സണല്‍ സ്റ്റാഫിന്റെ പെന്‍ഷന്‍ തടയണമെന്നും ഹരജിയില്‍ ആവശ്യപ്പെട്ടിരുന്നു.

പേഴ്സണല്‍ സ്റ്റാഫിന്റെ നിയമനം സര്‍ക്കാരിന്റെ നയപരമായ കാര്യമാണെന്നും അതില്‍ ഇടപെടാനാകില്ലെന്നും ചൂണ്ടികാണിച്ചാണ് കോടതി ഹരജി തള്ളിയത്. പെന്‍ഷന്‍ തടയണമെന്ന ആവശ്യവും കോടതി അംഗീകരിച്ചില്ല.

പേഴ്സണല്‍ സ്റ്റാഫിന്റെ എണ്ണം സംബന്ധിച്ച്‌ മാനദണ്ഡമുണ്ടാക്കുന്നതും പരിധി നിശ്ചയിക്കുന്നതും നല്ലതാണെന്ന നിര്‍ദേശം കോടതി മുന്നോട്ട് വെക്കുകയും ചെയ്തു.