ഇനി മെട്രോയില്‍ കയറി ലുലുവിലെത്താന്‍ കൂടുതലെളുപ്പം: സ്‌കൈവോക് ഇന്ന് തുറക്കും
കൊച്ചി: ഇടപ്പള്ളിയിലെ മെട്രോ സ്‌റ്റേഷനില്‍ നിന്ന് ഇനി ലുലു മാളില്‍ വളരെ എളുപ്പത്തില്‍ എത്താം. മെട്രോയില്‍ നിന്ന് ലുലുവിലേക്കുള്ള സ്‌കൈവോക് ഇന്ന് തുറക്കും. ഇന്ന് കാലത്ത് 11 മണിക്ക് കൊച്ചി മെട്രോ റെയില്‍ ലിമിറ്റഡ് എംഡി മുഹമ്മദ് ഹനീഷ് ഉദ്ഘാടനം നിര്‍വ്വഹിക്കും.
ഇനി കൊച്ചി മെട്രോയില്‍ കയറി ലുലു മാളിലേക്ക് പോകേണ്ടവര്‍ക്ക് സ്‌റ്റേഷന് പുറത്തിറങ്ങേണ്ട ആവശ്യമില്ല. അല്ലാതെതന്നെ സ്‌കൊവോക് വഴി മാളിലെത്താം. ഇതുവഴി സ്‌റ്റേഷനു താഴെയുള്ള റോഡിലെ തിരക്ക് ഒരുപരിധി വരെ കുറക്കാനുമാകും. രാവിലെ ഒന്‍പത് മുതല്‍ രാത്രി പത്ത് വരെ സ്‌കൈവോക് തുറന്ന് പ്രവര്‍ത്തിക്കും.
ലുലുവിമന് പുറമെ ചെന്നൈ സില്‍ക്‌സിനും സ്‌കൈവോക് നിര്‍മ്മിക്കാന്‍ ആലോചനയുണ്ട്. കൂടാതെ മെട്രോ സ്‌റ്റേഷന് സമീപത്തുള്ള എല്ലാ വ്യാപാരസ്ഥാപനങ്ങള്‍ക്കും ഇതുപോലെ സ്‌കൈവോക് നിര്‍മ്മിക്കാം. അതേസമയം, സ്‌കൈവോകിന്റെ സിവില്‍ ജോലികള്‍, മോടിപിടിപ്പിക്കല്‍, ലൈറ്റിങ്, ലിഫ്റ്റ് തുടങ്ങിയ അറ്റകുറ്റപണികളെല്ലാം ചെയ്യേണ്ടത് അതത് സ്ഥാപനങ്ങളുടെ ഉത്തരവാദിത്വത്തിലായിരക്കും.
കൂടാതെ സ്‌കൈവോക് നിര്‍മ്മിക്കുന്ന സ്ഥലത്തിന്റെ താഴെയുള്ള സ്ഥലവത്തിന്റെ വിപണി വിലയുടെ 99 ശതമാനവും വര്‍ഷം തോറുമുള്ള ലൈസന്‍സും 10 ലക്ഷം രൂപ ഡെപ്പോസിറ്റും സ്‌കൈവോക് നിര്‍മ്മിക്കാനായി അധികൃതര്‍ക്ക് നല്‍കണം. എന്നാലാണ് അനുമതി ലഭിക്കുക. 35 വര്‍ഷത്തേക്കാണ് കരാര്‍.
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്