കോഴിക്കോട് പത്താം ക്ലാസുകാരിയുടെ ആമാശയത്തില്‍ നിന്നും നീക്കം ചെയ്തത് രണ്ട് കിലോ മുടി

കോഴിക്കോട് മെഡിക്കല്‍ കോളേജ് ആശുപത്രിയിലാണ് സങ്കീർണമായ ശസ്ത്രക്രിയ നടന്നത്.

മുടിക്കെട്ടിന് 30 സെന്റീമീറ്റർ നീളവും 15 സെന്റീമീറ്റർ വീതിയുമുണ്ട്. ആമാശയത്തിന്റെ അതേ രൂപത്തിലാണ് ഇതും ഉണ്ടായിരുന്നത്. ശസ്ത്രക്രിയ കഴിഞ്ഞ പെണ്‍കുട്ടി പൂർണ ആരോഗ്യവതിയാണെന്ന് ഡോക്ടർമാർ അറിയിച്ചു.

അമിത ആകാംക്ഷയും അമിത സമ്മർദ്ദവുമുള്ള കുട്ടികളിലും ചെറുപ്പക്കാരിലും കാണുന്ന അവസ്ഥയാണിത്. പെണ്‍കുട്ടികളിലാണ് ഇത്തരം കേസുകള്‍ അധികവും റിപ്പോർട്ട് ചെയ്തിരിക്കുന്നത്. വർഷങ്ങളോളമായി പല സമയത്ത് കടിക്കുകയുും വിഴുങ്ങുകയും ചെയ്ത തലമുടി ആമാശയത്തിനുള്ളില്‍ കെട്ടുപിണഞ്ഞ് ആഹാരാംശവുമായി ചേർന്ന് ട്യൂമറായി മാറും. ഇതിന്റെ ശാസ്ത്രീയനാമം ട്രൈക്കോബിസയർ എന്നാണ്.