ഏകദിനത്തില്‍ ദക്ഷിണാഫ്രിക്കക്ക് ജയം
ഡക്ക്വര്‍ത്ത് ലൂയിസ് നിയമപ്രകാരം അഞ്ചു വിക്കറ്റിനാണ് ആതിഥേയര്‍ പരമ്ബരയിലെ ആദ്യ ജയം സ്വന്തമാക്കിയത്.
ഇന്ത്യ 50 ഒാവറില്‍ ഏഴു വിക്കറ്റ് നഷ്ടത്തില്‍ 289 റണ്‍സെടുത്തപ്പോള്‍ മഴ മൂലം 28 ഒാവറില്‍ 202 ആക്കി കുറച്ച വിജയലക്ഷ്യം ദക്ഷിണാഫ്രിക്ക 25.3 ഒാവറില്‍ അഞ്ച് വിക്കറ്റ് നഷ്ടത്തില്‍ അടിച്ചെടുക്കുകയായിരുന്നു. ഹെന്‍റിച്ച്‌ ക്ലാസണ്‍ (43 നോട്ടൗട്ട്), ഡേവിഡ് മില്ലര്‍ (39), ഹാഷിം ആംല (33), അബ്രഹാം ഡിവില്ലിയേഴ്സ് (26), ആന്‍ഡെയ്ല്‍ പെഹലുക്വായോ (23 നോട്ടൗട്ട്), എയ്ഡന്‍ മാര്‍ക്രം (22) എന്നിവരാണ് ദക്ഷിണാഫ്രിക്കന്‍ നിരയില്‍ തിളങ്ങിയത്.
നേരത്തേ, 100ാം മത്സരത്തില്‍ സെഞ്ച്വറി തികച്ച ശിഖര്‍ ധവാെന്‍റ (109) കരുത്തിലാണ് ഇന്ത്യ തരക്കേടില്ലാത്ത സ്കോറിലെത്തിയത്. ആദ്യമായാണ് ഒരു ഇന്ത്യന്‍ ബാറ്റ്സ്മാന്‍ നൂറാം ഏകദിനത്തില്‍ സെഞ്ച്വറി കുറിക്കുന്നത്. ഉറച്ച പിന്തുണയോടെ നായകന്‍ വിരാട് കോഹ്ലിയും (75) ഒപ്പംപിടിച്ചപ്പോള്‍ പിങ്ക് ദിനത്തില്‍ കൂറ്റന്‍ സ്കോറിലേക്ക് കുതിക്കുമെന്ന് തോന്നിച്ചെങ്കിലും മികച്ച തുടക്കം മുതലാക്കാന്‍ മധ്യനിരക്ക് കഴിയാതെപോയത് ഇന്ത്യക്ക് തിരിച്ചടിയായി.
മുഴുവന്‍ വാര്‍ത്തകള്‍
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്