പുറപ്പുഴ തറവട്ടം ക്ഷേത്രത്തില്‍ മകരപ്പൂയ മഹോത്സവം

നൃത്തസന്ധ്യ, നാടകം, ഘോഷയാത്ര, ഭജന്‍സ്‌, എതിരേല്‍പ്പ്‌

പുറപ്പുഴ: തറവട്ടത്ത്‌ ശ്രീ സുബ്രഹ്മണ്യ സ്വാമി ക്ഷേത്രത്തില്‍ മകരപ്പൂയ മഹോത്സവം 30,31 (ചൊവ്വ, ബുധന്‍) തീയതികളില്‍ നടക്കും. 30 ന്‌ വൈകിട്ട്‌ 7 ന്‌ തൊടുപുഴ ചിദംബര സ്‌കൂള്‍ ഓഫ്‌ ഡാന്‍സ്‌ അവതരിപ്പിക്കുന്ന നൃത്തനൃത്യങ്ങള്‍. 8 ന്‌ കാവടി ഹിഡുംബന്‍ പൂജ. 8.30 ന്‌ പ്രസാദ ഊട്ട്‌ രാത്രി 9 മുതല്‍ തിരുവനന്തപുരം ആവണി തിയേറ്റേഴ്‌സിന്റ അശ്വാരൂഢന്‍ നൃത്ത നാടകം അരങ്ങേറും.
31 ബുധനാഴ്‌ച രാവിലെ 9 ന്‌ പുതുച്ചിറക്കാവ്‌ ദേവീ ക്ഷേത്രത്തില്‍ നിന്നും കാവടി ഘോഷയാത്ര. ആനിക്കാട്‌ കലാസമിതി കിടങ്ങൂരിന്റെ ചെണ്ടമേളം, തേനി ഇസൈമാമണി തേനി മണികണ്‌ഠന്‍ & പാര്‍ട്ടി അവതരിപ്പിക്കുന്ന പമ്പമേളം, വിസ്‌മയ കരകയാട്ട സമിതിയുടെ കരകയാട്ടം എന്നിവയുടെ അകമ്പടിയോടെ കാവടി ഘോഷയാത്ര. 11. 45 ന്‌ പൂയം തൊഴീല്‍, വലിയ കാണിക്ക. 12.30 ന്‌ മഹാ പ്രസാദ ഊട്ട്‌. വൈകിട്ട്‌ 4 ന്‌ കാഴ്‌ച ശ്രീബലി. 6.45ന്‌ ദീപാരാധന. 7 ന്‌ നൃത്തനൃത്യങ്ങള്‍. 7.30 ന്‌ കോതമംഗലം ശ്രീ നന്ദനം ഭജന്‍സ്‌ അവതരിപ്പിക്കുന്ന നാമസങ്കീര്‍ത്തനാഘോഷം. 8 ന്‌ പ്രസാദ ഊട്ട്‌. രാത്രി 8.30 മുതല്‍ അരീക്കാട്ട്‌ ദേവീ ക്ഷേത്രത്തില്‍ നിന്നും എതിരേല്‍പ്പ്‌ ഘോഷായാത്ര എന്നിവ ഉണ്ടായിരിക്കുമെന്ന്‌ പ്രസിഡന്റ്‌ എം എ മോഹനന്‍പിള്ള, സെക്രട്ടറി എസ്‌ കെ സുരേഷ്‌ ബാബു, ട്രഷറര്‍ എം പി സുനില്‍കുമാര്‍ എന്നിവര്‍ അറിയിച്ചു.