ശക്തമായ മഴ: വയനാട്, കണ്ണൂര്, കാസര്കോട് ജില്ലകളിലെ സ്കൂളുകള്ക്കും നാളെ അവധി
![](https://www.gramajyothi.com/wp-content/uploads/2018/05/z238.jpg)
കോഴിക്കോട്: കനത്ത മഴയെ തുടർന്ന് സംസ്ഥാനത്തെ മൂന്ന് ജില്ലകളിലെ വിദ്യാഭ്യാസസ്ഥാപനങ്ങള്ക്ക് നാളെ അവധി പ്രഖ്യാപിച്ചു.
വയനാട്, കണ്ണൂര്, കാസര്കോട് ജില്ലകളിലാണ് കലക്ടര്മാര് അവധി പ്രഖ്യാപിച്ചത്.
കാസര്കോഡ് ജില്ലയിലെ സ്റ്റേറ്റ് , സിബിഎസ്ഇ, ഐസിഎസ്ഇ സ്കൂളുകള് കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് നാളെ അവധിയായിരിക്കുമെന്ന് ജില്ലാ കലക്ടര് കെ. ഇമ്ബശേഖര് അറിയിച്ചു. എന്നാല് കോളജുകള്ക്ക് നാളത്തെ അവധി ബാധകമല്ല. മുന്കൂട്ടി പ്രഖ്യാപിച്ച പരീക്ഷകളിലും മാറ്റമില്ല. ജില്ലയില് റെഡ് അലെര്ട്ട് ആണ്.
കണ്ണൂര് ജില്ലയില് നാളെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചു. ജില്ലയിലെ പ്രാഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ആയിരിക്കും. അങ്കണവാടികള്, ഐസിഎസ്ഇ, സിബിഎസ്ഇ സ്കൂളുകള്, കേന്ദ്രീയ വിദ്യാലയങ്ങള്, മദ്രസകള്, ട്യൂഷന് സെന്ററുകള് എന്നിവര്ക്കടക്കം അവധി ബാധകമാണ്. മുന് നിശ്ചയപ്രകാരമുള്ള പൊതുപരീക്ഷകള്, യൂണിവേഴ്സിറ്റി പരീക്ഷകള് എന്നിവയ്ക്ക് മാറ്റം ഉണ്ടായിരിക്കുന്നതല്ല.
അവധി മൂലം നഷ്ട്ടപ്പെടുന്ന പഠനസമയം ക്രമീകരിക്കാന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണെന്നും കലക്ടര് അറിയിച്ചു. ജില്ലയിലെ മിക്ക പ്രദേശങ്ങളിലും കഴിഞ്ഞ 24 മണിക്കൂറില് അതിശക്തമായ മഴയും കാറ്റും തുടരുന്നതിനാല് നാളെയും അതിതീവ്രമായ മഴ തുടരുമെന്ന മുന്നറിയിപ്പുണ്ടെന്ന് ജില്ലാ കലക്ടര് അറിയിച്ചു.
വയനാട് ജില്ലയിലെ ജില്ലയിലെ പ്രൊഫഷണല് കോളജുകള്, . അങ്കണവാടികള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും. മുന്കൂട്ടി നിശ്ചയിച്ച പരീക്ഷകള്ക്കും പിഎസ് സി പരീക്ഷകള്ക്കും അവധി ബാധകമല്ല. മോഡല് റസിഡന്ഷ്യല് (എംആര്എസ്), നവോദയ സ്കൂളുകള്ക്ക് അവധി ബാധകമല്ല.
മുഴുവന് വാര്ത്തകള്
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്